Réttir :)

Hún Guðný króksari sendi mér sms í dag og lét mig vita að það væru réttir upp á Nöfum í dag :) Takk Guðný :) Að sjálfsögðu mættum við þar hjónakornin (gift í 10 ár munið) ásamt þeirri yngstu :) Pétur minn var "dyravörður" við dilkinn hans Munda :) Ég sat og horfði á og hafði gaman af :)

Þetta minnti mig á þegar hann pabbi átti kindur :) Mín hét Gibba :)

En alls staðar er karlpeningurinn eins!!! Ég var að tala við Júllu Baddý í símann á meðan ég virti kindur og hrúta fyrir mér :) Haldiði að komi ekki einn (hrútur sko) vaðandi að einni saklausri rollunni og stökk upp á hana!!!! Ég eldroðnaði og leit í allar áttir til að tékka hvort nokkur væri að horfa á þetta með mér.....frekar vandræðalegt að verða vitni að þessu!!!!

Aumingja rollan vildi þetta alls ekki og hristi hrútspunginn af sér. Hei!!!! Þá brjálast bara helvítið og fer að stanga hana á fullu!!! Hann var sko með stór horn skal ég bara láta ykkur vita!!! Hann varð alveg brjálaður og stökk upp á hana aftur!!! Mér varð litið í augun á henni og sá bara sorg í þeim....mikla sorg og smá uppgjöf!!! EN hún átti mórauðan kærasta sem kom vaðandi að hrúts helvítinu og stangaði hann fast í belginn.....þeir slógust um stund og rollan var laus :) Ég fylgdist síðan með rolluskjátunni um stund á meðan hún var að jafna sig og óskaði þess heitt að ég hefði brauðmola í vasanum fyrir greyið. Löngu seinna sá ég hrútana tvo enn vera að stangast á og vona ég svo sannarlega að sá mórauði hafi unnið og hinn helvískur endi sem hangikjet!!!

Þannig voru þessar réttir jamm :)