Einn góður til að lesa þegar rafmagnið fer að fara af í vonda veðrinu.

Tvær vinkonur fóru á bar og drukku sig fullar eins og kvenna er siður þegar þær eru ekki með karlana með sér. Þegar þær voru að labba heim þurftu þær báðar nauðsynlega að pissa. Þær voru hjá kirkjugarðinum og ákváðu að pissa bakvið legstein.
Sú sem fyrst pissaði þurrkaði sér á nærbuxunum sínum og henti þeim eitthvað út í loftið að því loknu. Vinkona hennar var aftur á móti í rokdýrum nærum sem hún vildi ekki tapa, en var svo heppin að hún gat teygt sig í borða af kransi á næsta leiði og þurrkað sér á honum. Vinkonurnar gátu nú haldið ferð sinni áfram og komust heim heilar á húfi.
Daginn eftir hringdi eiginmaður annarrar þeirra í hinn og sagði; “Þessum kvennakvöldum þarf að fara að ljúka. Konan mín kom nærbuxnalaus heim í nótt.” “Algjörlega sammála!,” sagði hinn, “Mín kom heim með samúðarkort á milli rasskinnanna og á því stóð, Frá okkur öllum á Slökkvistöðinni, við munum aldrei gleyma þér.”

Feykir.is

Kíkið á Feykir.is en þar er frétt um 2. bekk í Árskóla :)
Bendi ykkur náttúrulega bara á þetta þar sem það er mynd af BÁPunni og öðrum stelpum :)


Bestu kveðjur frá frúnni í 99 :)

Fönn fönn fönn

Hér er allt á kafi!!!
Þvílíkur vibbi :(

Snjórinn hér sem kom mest allur sl. nótt er svona jafn mikill og í jan-febr fyrir vestan.....þegar mest er!!!!

Allavegana pirrar þessi snjór mig jafn mikið og þegar hann er mestur fyrir vestan!!!

EN krakkarnir eru MJÖG glöð með þessa hvítu mjöll!!!!

Pirruð þó í 99 sé kveður.

20. október 2008

Í dag eru 20 ár síðan hann pabbi minn dó.
Blessuð sé minning hans.

Í dag á hann Eiríkur Finnur afmæli :)
Við sendum honum allar okkar bestu afmælis óskir og megi hann eiga góðan dag í útlöndunum :)
Bestu kveðjur til þín kæri frændi :)

:)

Lífið er dásamlegt :)

Ég missti mig greinilega í áhyggjunum í gær á blogginu!!!
Auðvitað heldur Pétur sínum launum og allt það, ég var bara svo viss um að það yrði ekki.
En það verður :)
Öngvar áhyggjur hér :)
Verst þykir mér að þetta skuli vera hægri höndin hjá mínum manni.....sjáið þið hann ekki fyrir ykkur þegar hann er búinn on the doll og kallar "Ég er búúúinnn" og Níutíuognían þarf að hlaupa af stað......sem betur fer komin undir eitthundraðkílóin.........................

Eigið góðan dag og bítið í allt sem gómsætt er :)

Frúin í 99 kveður að sinni :)

Þannig er nú það :)

Þetta er alls ekki gott og ótrúlegt hvað mér finnst óheppnin elta okkur á röndum!!!
Pétur verður frá vinnu í nokkrar vikur!!!

Mæðgurnar á heimilinu svolítið tens yfir þessu öllu saman.
Í kvöld stóðum við BÁPan á ganginum og það var bankað á dyrnar, við hrukkum báðar við og stukkum inn í stofu og ég sagði Pétri að það stæði einhver stór og feitur við dyrnar (það er sko litað gler á hurðinni) Minn fór til dyra og ykkur að segja bjóst ég við hinu versta.......en þá var þetta bara Maggi Hinriks að koma og tékka á hvernig Pétur hefði það :) Maggi er sko EKKI feitur :)

Bergljót Ásta grét og grét áðan þegar hún var komin upp í rúm því hún er svo hrædd um að glæponarnir komi hingað heim!!! Ég sagði henni að þeir gerðu það ekki "jú víhíst ef þeir sjáhá að það er enginn bíhííll fyrir utan" nei nei ekki hér á Sauðárkróki...."en samt á Akureyri"

Og svo kom þetta sem ég bjóst við "það eru sko engir glæponar á Flateyri og ég vil eiga heima þar"

En nú ætla ég að leggjast upp í rúm hjá dömunni og sofa hjá henni í nótt og segja henni góða sögu við opinn glugga og lofa Pétri Pan að hlusta á söguna okkar svo hann geti sagt börnunum í Hvergilandi frá henni :)

Við fórum nefnilega á leikritið Pétur Pan í dag og var það frábært :)

Frúin í 99 kveður að sinni (hlýt nú fljótt að hrynja í 98 eftir öll þessi læti og stress)

Góða nótt :)

Þetta er slæmt....

Þetta er EKKI gott!!!
Fingurinn er brotinn hjá Pétri!!!
Eins gott að hann var í leðurhönskum annars hefði dúddinn bitið fingurinn af!!!


ES: Stefán er sko yfirlögregluþjónn en ekki lögreglustjóri eins og ég skrifaði í færslunni á undan:)

Frúin í 99 kveður sjokkeruð yfir brotinu.

Færsla tvö í dag :)

Lögreglustjóri Stefán brást fljótt við fingurbiti lögregluvarðstjóra Péturs.
Hann mætti nefnilega hér áðan með auka fingur áður en hann keyrði PB á spítalann!!
Reyndar voru þeir fingur í pakka...finger ginger kex :)
Gott að hafa húmorinn á réttum stað :)

Leikfélag Sauðárkróks frumsýndi í gær leikritið Pétur Pan :)
Ég ætla í leikhús klukkan fimm í dag með Bergljótu Ástu og Rebekku vinkonu hennar :)
Foreldrafélag skólans greiddi niður miðana fyrir börn í yngstu bekkjum skólans og þurfa þau aðeins að borga kr. 500 :) Gott framtak hjá þeim :)

Þeir sem eru með fingurbit og makar þeirra fá frítt inn!!!

Hugsa að við BÁPan getum deilt saman sæti þar sem maður er nú komin niður fyrir eitthundraðkílóin!!! Maður þarf sko ekki eins mikið pláss núna....eða hvað!!!

Frúin í 99 kveður að sinni :)

Bitinn.......

Eiginmaðurinn, lögregluvarðstjórinn kom heim úr vinnunni klukkan að verða sex í morgun.
Hann er með miklar umbúðir á vísifingri hægri handar.
HANN VAR BITINN!!!!

Já einhver helvítis dúddinn beit hann í puttann!!!
Djöfull gæfi ég mikið fyrir núna að geta mætt þessum hálfvita út á götu!!!

Pétur fékk tilheyrandi sprautu við svona biti og á að mæta í myndatöku á eftir til að vita hvort fingurinn sé brotinn!!!

Mér finnst að refsingin sem þessi dúddi ætti að fá, væri ferð til tannlæknis og láta draga allar geiflurnar úr honum á hans kostnað!!!

Níutíuogníu........

Ég hef nú ekki verið feimin að segja frá hversu þung ég er og mun ekki verða :)
Ég kíkti í heimsókn í morgun til Möggu Rebekku mömmu og mömmu hennar :) Þær höfðu orð á því að ég hefði grennst!!! Ekki finnst mér það nú en um leið og ég kom heim, þurrkaði ég rykið af vigtinni inni á baðinu og steig á hana!!!!

Þegar ég byrjaði að blogga um þyngd mína var ég ein eitthundraðogþrjúkílógrömm!!!

Fór fljótlega niður í 101 og stóð lengi í þeirri tölu enda var engin ástæða þá að drífa sig niður henni....var bara smart að vera í 101 Reykjavík!!!

En nú er kreppa og þá aðallega í Reykjavík og mín komin úr 101.....enda ekki smart lengur að staldra þar við :) Nei nú er mín komin í 99.......... :) Já 99 á stöðinni var smart og finnst mér þetta flott tala og held mér vonandi í henni um tíma!!!

BÁPan mín var ótrúlega glöð áðan þegar ég tilkynnti nýjustu tölur eftir að ég steig ofan af vigtinni....jess þá máttu fara á trampólínið mitt!!!! Sagði henni nefnilega í sumar að þeir sem væru yfir 100 kílóin mættu ekki fara á það!!!

En þær í vinnunni voru eitthvað að tala um að þegar kreppa væri þá færi fólk að fitna!!! Ég hef líka heyrt að þeir sem eru í sorg hrinji niður!!!!

Ég er eins með það og annað, alltaf öfugt við aðra....ég t.d. þyngdist bara eftir að hún Sifin mín dó!!! Þannig að ég á nú alveg von á því að einhver kílóin fjúki bara af mér í kreppunni í staðinn fyrir að þau hlaðist á mig!!!! Maður má nú alltaf vona :)

Frúin í 99 kveður að sinni :)